Ministério dos Transportes e Comunicações

Dili, loron 31 fulan Jullu 2024

Ministru Transportes no Komunikasoins, Eng. Miguel Marques Gonçalves Manetelu marka prezensa iha Sorumutu Konsellu Ministru, Kuarta-feira 31 fulan Jullu 2024. 

Konsellu Ministrus hala’o sorumutu iha Palásiu Governu, Dili, no delibera hodi aprova Akordu Kontribuisaun Finanseira entre Repúblika Demokrátika Timor-Leste no Ajénsia Kooperasaun Internasionál Japaun kona-ba Projetu Rekualifikasaun Hospital Nacional Guido Valadares, ne’ebé sei asina husi Ministra Finansas, Santina José Rodrigues F. Viegas Cardoso.

Tuir akordu ida-ne’e, Japaun sei fó kontribuisaun finanseira besik dolar amerikanu millaun 19,6. Finansiamentu ida-ne’e ho objetivu atu haforsa kapasidade prestasaun servisu no hadi’a kualidade kona-ba kuidadu médiku sira, liuhusi konstrusaun instalasaun foun no fornesimentu ekipamentu médiku nian sira ba Hospital Nacional Guido Valadares. Projetu ne’e inklui edifísiu andár lima, ne’ebé sei fahe ba unidade pediatria no kuidadu intensivu. Edifísiu foun ne’e prevee sei remata iha fulan-abríl tinan 2027.

Média Gab.MTK

Ministério dos Transportes e Comunicações: Loron Kuarta-Feira, 06/09/2023, Ministru Transporte no Komunikasaun, Eng. Miguel Marques Gonçalves Manetelu, partisipa reuniaun Konsellu Ministrus, hodi aprova projetu alterasaun dekretu lei ne’ebé aprezenta husi Ministeriu Finansa (MF), no projetu dekretu lei organíka Sekretáriu Estadu Igualidade (SEI).

Prejensa Ministru Transporte no Komunikasaun, Eng. Miguel Marques Gonçalves, ho membru Governu da-IX, dala uluk aprova ona projetu Dekretu Governu, ne’ebé aprezenta hosi Ministra Finansas, Santina José Rodrigues F. Viegas Cardoso, kona-ba aliterasaun dahuluk ba Dekretu Governu n. 19/2022, loron 11 Fulan Maiu, relasiona ho klasifikadores orsamentais.

Nune’e fasilita komprensaun ba klasifikasaun foun hosi reseitas no despezas públikas, ne’ebé ho objetivu atu agrupa kategoria sira iha grupu lima nivel primeiru nian ne’ebé korrespondente ho kategoria anteriór sira, hodi transforma kategoria sira ne’ebé iha daudaun ne’e sai sub-kategoria, hodi halo klasifikasaun ekonómika despezas nian sai nivel haat. Aproveita hodi halo mós detallu ba sub-kategoria operasional estraorsamentais nian, no mós halo korresaun uitoan ba klasifikasaun.

Enkuantu husi reuniaun Konsellu Ministru, membru governu sira aprova mós projetu Dekretu-Lei, ne’ebé aprezenta husi Ministru Prezidénsia Konsellu Ministrus, Agio Pereira no husi Sekretária Estadu, Elvina de Sousa Carvalho, ne’ebé aprova Orgánika Sekretaria Estadu Igualdade nian.

Aprovasaun ne’e fó ona kompetensia ba Sekretaria Estadu Igualdade inklui servisu lubun ne’ebé apoia Sekretária Estadu Igualdade iha ezersísiu ba ninia kompeténsia sira, liuliu iha promosaun igualdade jéneru iha leis, polítikas públikas, planu estratéjiku  no operasionál, programa governamentál sira no iha Orsamentu Jerál Estadu, iha sensibilizasaun públiku ba kestaun sira igualdade jéneru no inkluzaun, eliminasaun diskriminasaun no violénsia kontra feto no labarik no promosaun ba partisipasaun fetu sira iha vida polítika no sosiu-ekonómika nasionál. (MEDIA MTK)

Ministério dos Transportes e Comunicações: Loron Sesta-Feira, 08/09/2023, Ministru Transporte no Komunikasaun, Eng. Miguel Marques Gonçalves Manetelu, hala’o reuniaun ho Diretór Jerais, Diretór Nasisonál, Lideransa hosi Ajensia autonomu, Diretór Muninisipiu, Kargu Xefia Departementu iha Ministeriu Transporte no Komunikasaun, hodi ko’alia kona-ba ajusta programa 2024 nian.

Hosi Reuniaun Internal Ministru ho kargu Xefia husi diretór jerál ate xefe Departementu no diretór munisipiu, hodi husu programa ne’ebé kada diresaun halo tenke ajusta ba programa Nono Governu Konstituisaun nian.

Ministru Transporte no Komunikasaun, Eng. Miguel Marques Gonçalves Manetelu, halo introdusaun ba reuniaun ne’e katak, servisu lubuk la’o iha ministeriu, liu-liu servisu planeamentu prepara ona planu asaun annual 2024. Hosi preparasaun sira ne’ebé Planeamentu MTK halo presiza ajusta Nono governu konstituisaun nian.

Husi reuniaun ne’e Ministru Transporte Komunikasaun, Eng. Miguel Marques Gonçalves Manetelu, husu kargu xefia sira tenke armoniza ba programa sira ne’e, tanba dala ruma programa Nono Governu koloka ba fatin ida, organíka hatete fali buat. Signifika polítika loos, maibé lei mai para atu orienta pensamentu polítka ne’e lori la’o tuir dalan loloos.

Tanba dala ruma haree ladun haree didi’ak maka hamosu duplikasaun servisu, nune’e diresaun ho ajensia autonomu sira iha MTK tenke konsiente katak sasan sira ne’e Ministeriu Transporte no Komunikasaun nian, no povu Timor-Leste nian.

Funsionáriu MTK tenke iha konsente katak servisu tenke kompleta malu, presiza koordena malu, hodi alkansa objetivu estadu no povu iha nasaun ida ne’e nian.

Partisipa iha reuniaun ajusta programa partisipa hosi Direitór Jerál, Direitór Nasionál, Prezidente ANATL, Prezidente AACTL, Diretór TIK Timor, Prezidente ANCTL, Prezidente APORTIL, Xefe Ganbinete, Diretór Munisipiu no Xefe Departementu. (Media MTK)